Onderhoud: Juanita du Plessis

2009-03-16 18:25
 
Juanita du Plessis
 

Kyk die video van die onderhoud

Wie is vir jou ‘n inspirasie as kunstenaar?

Laurika Rauch is definitief iemand wat ek as jonger kunstenaar regtig na opkyk. Ons sing vanaand ‘n duet saam, wat vir my ‘n verskriklike groot voorreg is, want ons het groot geword met haar musiek.

Sy is regtig vir my ‘n inspirasie, om te sien dat sy na soveel jare in die musiekbedryf nogsteeds suksesvol is.

Het jy al ooit jou woorde vergeet?

O ja. Dit gebeur elke nou en dan. Veral as mens begin werk aan ‘n nuwe album en mens moet die nuwe liedjies sing. Dan vergeet ek so nou en dan die woorde, maar ek maak altyd net geluide, dan dink die mense dit moet so klink.

Dit tref maar elke kunstenaar so nou en dan.

Jy is ‘n diereliefhebber. Hoeveel diere hou jy aan?

Jis, nou moet ek tel. Ek het verskriklik baie diere. Ons het sewe honde, twee katte en twee papegaaie by die huis. Dan het ons nog ‘n plot waar daar perde is, skapies, en so. Ek kan ongelukkig nou nie vir jou al die skapies noem nie.

Volg jy die rugby?

Ja, ek is ‘n baie groot Blou Bul ondersteuner. As ek hier in die Kaap kuier, is daar altyd ‘n paar omies wat nie baie happy is met die span vir wie ek skree nie. Dis darem altyd in ‘n goeie gees, en ek spot maar altyd net met hulle terug.

Mense stel vreeslik belang in bekendes se kombuise. Het jy ‘n kookspesialiteit ?

Ek kan lekker boontjiesop maak. Dis wat my man sê. Hy hou van lekker kos, en hy’s eintlik die een wat kosmaak in ons huis. Nie dat ek nie kan kosmaak nie! My ma was ‘n boervrou en sy’t my mooi geleer kook.

As jy een ding aan die wêreld kon verander, wat sou dit wees?

Wie vra nie vir vrede in die land nie? Ons het die wonderlikste land, die mooiste land. Ek was nou Amerika toe gewees ‘n rukkie gelede, en ek het terug gekom en vir myself gesê: “Ons bly regtig in die land van melk en heuning.” Dis net so jammer dat hier soveel misdaad is.

As ek een ding kon verander, sou ek net wens die misdaad sal weggaan, en dat almal net saam as ‘n volk en ‘n nasie in vrede kan lewe.


Ons het met Juanita gesels voor haar optrede by Skouspel Plus in Kaapstad. Sy het haar kookgeheime en inspirasies met ons gedeel.

What to read next: Kyk die video

24.com publishes all comments posted on articles provided that they adhere to our Comments Policy. Should you wish to report a comment for editorial review, please do so by clicking the 'Report Comment' button to the right of each comment.

Comment on this story
1 comment
Comments have been closed for this article.
There are new stories on the homepage. Click here to see them.