Onderhoud: Nicholis Louw

Kyk die video onderhoud

Wie is volgens jou die oorspronklike vader- of moederfiguur in Afrikaanse musiek wat die bedryf gevestig het?

Dis tussen Kurt en Steve, sou ek sê. Steve is die een ou wat longevity in Suid-Afrika reggekry het. Hy’s nou al 20 jaar, seker meer as 20 jaar, besig en hy doen baie goed.

Ek dink Kurt het die gesig van Afrikaanse musiek verander met sy moderne tipe van inslag. Dis tussen hulle twee. Ek het nie favourites nie.

Vertel ons van jou versteekte talente.

Ek hou van ry. Ek is quite ‘n begaafde bestuurder.

Ek was nou die dag op die track gewees, toe wil ek die profesionele bestuurder verbyvat, maar toe raak hulle bietjie hardhandig met my. Hulle het dit nie nie goed gevat nie.

Het jy al op die verhoog jou woorde vergeet?

Ja, ek het al baie my woorde vergeet, maar ek is ‘n skrywer, en jy sal verbaas wees hoe vinnig jy geskryf kry as jy op die verhoog is, in die middel van ‘n song. Baie keer sal ‘n ou net geluide maak wat vir jou regklink, en net ‘n paar S’e insit, dan klink dit soos woorde klink. Dit klink asof jy nie mooi deur die mic gekom het nie.

Het jy dalk ‘n boodskap vir jou aanhangers?

My album som dit op: Vergeet en Vergewe. Suid-Afrika is baie kwaad vir mekaar op hierdie stadium. Almal is kwaad vir mekaar. Daar is ewige bakleiery, selfs op die paaie, oor klein, stupid goedjies.

Ek dink in Suid-Afrika moet ons probeer vergeet van die verlede en bietjie meer verdraagsaam wees met mekaar, en mekaar aanvaar en nie so opvlieënd wees teenoor mekaar nie. Dit is nie nodig om altyd kwaad te wees nie.

Bietjie meer verdraagsaamheid gaan ons land weer gesond maak.