Maar toneelspeel is nie al talent wat sy het nie. Sy het ook ’n onberispelike sin vir styl. Ons gesels met haar oor haar modekeuses, gunsteling-stapel-item en wat jy altyd in haar handsak sal kry.
“My styl is fun, functional en fabulous!” vertel Mienke. En dis waar. Jy kan haar altyd deur ’n ring trek, maar nooit sonder ’n prettig element nie.
En haar styl in vergelyking met haar karakter Mia s’n? Sy en Mia het beide ’n voorliefde om moderisiko’s te neem. “Mia dra net waarvoor sy lus het! Sy is meer effortlessly chic en ek dink my styl is meer curated, tog is ons albei mal daaroor om kanse te vat en soms aan te trek wat mense die minste verwag.”