Een van die reeks se vroue-karakters, Kate, vertolk deur Wanda Banda, is ’n rekenaar-wonderkind, met kleurvolle uitrustings, vonkelende oë en bedekte vrese.
Wanda, wat ook al te sien was in The Woman King, Blood & Water en Heart of the Hunter, vertel haar Plan B-ervaring was baie opwindend.
“Ek het soveel pret gehad om lewe in my karakter te blaas. Kate is dinamies en begeesterd! Dit was ook lekker om saam met ’n fantastiese akteur soos Arnold Vosloo te werk. Ek het so baie by hom geleer. In hierdie rol kon ek speel, ontdek en myself uitdaag.”