Asof dit nie genoeg is om jou sintuie te prikkel nie, is daar nou ’n nuwe toevoeging tot die reeds besonderse span by The Valley Bistro wat die plek ’n moet-besoek maak vir enigiemand in die omtes.
Sjef Jordan Mans het onlangs by die bistro aangesluit en het dadelik ’n nuwe vonk van kreatiwiteit na die kombuis gebring.
Sy het ’n agtergrond in studies by Capsicum Culinary Studio in Kaapstad en het al topplasings in kulinêre kompetisies behaal, een daarvan wat haar in staat gestel het om deur Frankryk te reis en saam met skilder-digter Louis Jansen van Vuuren by Café Vincent in Boussac te werk – ’n veganistiese restaurant wat selfs die aandag van die Michelin-groenster-gids getrek het.