.
.
Sedert Volvo die eerste geslag XC60 in 2009 bekendgestel het, en die huidige generasie in 2017, het die XC60 ’n sterk mededinger in die luukse sportnuts-segment geraak, waar dit stewig skouers skuur met die Audi Q5, Lexus NX en Mercedes GLC.
Volvo is ook op spoed om sy motors te elektrifiseer met planne vir talle groenvoertuie en wil graag teen 2030 slegs elektriese voertuie bou.
Weens hierdie spertyd wat die Sweedse vervaardiger vir homself gestel het, draai die ratte al klaar daarvoor en word “groener” weergawes reeds in huidige modelreekse soos die XC60 ingelyf.
