“Jy was ’n ware jintelman en iemand wat almal met wie jy te doene gehad het, se lewens verryk het. Jou kennis oor kos het my altyd beïndruk en jy kon oor alles gesels en wonderlike kosstaaltjies vertel. Ons groet ’n kosreus,” skryf SARIE Boeke-redakteur, Phyllis Green oor Peter.
“My hart is gebreek, want ’n Suid-Afrikaanse ikoon met soveel kennis is weg. Dankie Peter Veldsman vir die wysheid wat jy so ruim gedeel het,” skryf SARIE KOS-redakteur, Herman Lensing.
In die SARIE KOS-uitgawe van Oktober/November in 2016 is hierdie uittreksel uit sy outobiografie Wat die hart van vol is, gepubliseer.